ആലപ്പുഴ-മാവേലിക്കരയില്ഭാര്യ ആത്മഹത്യ ചെയ്തതിന് പിന്നാലെ ഭര്ത്താവും ജീവനൊടുക്കി. തഴക്കര ഇറവങ്കര തടാലില് വീട്ടില് ഷീബ (45) ഭര്ത്താവ് സന്തോഷ് (51) എന്നിവരാണു വീട്ടില് തൂങ്ങിമരിച്ചത്. ചൊവ്വ വെളുപ്പിനെ 1.30നാണു സംഭവം. വീട്ടിലെ ഫാനില് കെട്ടിത്തൂങ്ങിയ ഷീബയെ ബഹളം കേട്ടെത്തിയ നാട്ടുകാര് ജില്ലാ ആശുപത്രിയില് എത്തിച്ചപ്പോഴേക്കും മരിച്ചു.
ആശുപത്രിയിലെത്തിയ സന്തോഷ് ഭാര്യ മരിച്ചതറിഞ്ഞു വീട്ടില് തിരികെയെത്തി ആത്മഹത്യ ചെയ്യുകയായിരുന്നു. സന്തോഷിന്റെ മദ്യപാനവും തുടര്ന്നുണ്ടായ വീട്ടുവഴക്കുമാണ് മരണത്തിനു കാരണമെന്ന് സംശയിക്കുന്നതായി പോലീസ് പറഞ്ഞു. ഇരുവരും തമ്മില് സ്ഥിരമായി വഴക്കുണ്ടാകാറുണ്ടെന്ന് സമീപ വാസികള് പറയുന്നതായും പോലീസ് അറിയിച്ചു. പോസ്റ്റ് മോര്ട്ടത്തിനു ശേഷമാത്രമെ കൂടുതല് കാര്യങ്ങള് വ്യക്തമാകുവെന്ന് പോലീസ് പറഞ്ഞു. സന്തോഷ് ടൈല് ജോലിക്കാരനാണ്. ഷീബ തഴക്കര പഞ്ചായത്തിലെ ഹരിത കര്മസേന പ്രവര്ത്തകയായിരുന്നു. മക്കള്: സങ്കീര്ത്ത്, സഞ്ജിത്ത്.
