കാസര്കോട്- കോവിഡ് നിയന്ത്രണങ്ങളെചൊല്ലി കര്ണാടക-കേരള അതിര്ത്തിയായ തലപ്പാടി ചെക്ക് പോസ്റ്റില് പോലീസും നാട്ടുകാരും തമ്മില് സംഘര്ഷം.
മുന്പ് അതിര്ത്തിയിലെ കര്ണാടക മേഖലയില് ഒരു ആര്.ടി.പി.സി.ആര് പരിശോധനാ കേന്ദ്രം പ്രവര്ത്തിച്ചിരുന്നു. എന്നാല് ഇന്നു രാവിലെ ഡെപ്യൂട്ടി കമ്മീഷണറും ദക്ഷിണ കന്നഡാ ജില്ലാ കലക്ടറുമടങ്ങുന്ന ഉന്നത ഉദ്യോസ്ഥര് സ്ഥലത്തെത്തി പരിശോധന പൂര്ണമായും നിര്ത്തി വെച്ചു. തുടര്ന്നാണ് കേരളത്തില്നിന്നു വരുന്ന നാഷണല് പെര്മിറ്റുള്ള വാഹനങ്ങള് ഉള്പ്പെടെ തടഞ്ഞ് നാട്ടുകാര് റോഡ് ഉപരോധിച്ചത്. മഞ്ചേശ്വരം പോലീസ് സ്ഥലത്തെത്തി പ്രതിഷേധം അവസാനിപ്പിച്ചു.
പരീക്ഷകള് നടക്കുന്നതിനാല് വിദ്യാര്ഥികള്ക്ക് ഇളവുകള് അനുവദിച്ചു.
വരും ദിവസങ്ങളില് പരിശോധന കര്ശനമാക്കുമെന്നും കോവിഡ് നെഗറ്റീവ് സര്ട്ടിഫിക്കറ്റ് ഉള്ളവരെ മാത്രമേ കടത്തിവിടൂ എന്നും കര്ണാടക അറിയിച്ചു.
