ന്യൂദല്ഹി- വിദ്യാര്ഥികള് പ്രതിഷേധിച്ചു. യു.എസിലേക്കുള്ള സര്വീസുകള് വര്ധിപ്പിച്ച് എയര് ഇന്ത്യ. ഓഗസ്റ്റ് ആദ്യവാരം മുതല് കൂടുതല് വിമാനമെന്നാണ് വാഗ്ദാനം.
ഉപരിപഠനത്തിനായി വിദേശത്ത് പോകുന്ന ധാരാളം ഇന്ത്യന് വിദ്യാര്ഥികള്ക്ക് തീരുമാനം ആശ്വാസമായി. മുന്കൂട്ടി അറിയിക്കാതെ എയര് ഇന്ത്യ സര്വീസുകള് റദ്ദാക്കുന്നതിനും പുനക്രമീകരിക്കുന്നതിനും എതിരേ സമൂഹ മാധ്യമങ്ങളിലൂടെ വിദ്യാര്ഥി പ്രതിഷേധം ഉണ്ടായ സാഹചര്യത്തിലാണ് തീരുമാനം.
മുമ്പ് 40 സര്വീസുകള് ആഴ്ചയില് ഉണ്ടായിരുന്ന സ്ഥാനത്ത് നിയന്ത്രണം വന്നതോടെ ജൂലൈയില് യു.എസിലേക്ക് ആഴ്ചയില് 11 സര്വീസ് മാത്രമാണ് നടത്തിയിരുന്നത്. ഓഗസ്റ്റ് ഏഴോടെ ഇത് 22 ആയി വര്ധിപ്പിക്കാനാണ് പരിപാടി.
