ചാലക്കുടി- ഓസ്ട്രേലിയയിൽ മലയാളി കുടുംബം സഞ്ചരിച്ച കാർ അപകടത്തിൽപ്പെട്ട് അമ്മയും മകനും മരിച്ചു. ചാലക്കുടി പോട്ട സ്വദേശി ചുള്ളിയാടന് ബിബിനും കുടുംബവും സഞ്ചരിച്ച കാര് ആണ് അപകടത്തില്പെട്ടത്. ഭാര്യ ലോട്സി(35)യും ഇളയ ആൺകുട്ടിയുമാണ് മരിച്ചത്.
വ്യാഴാഴ്ച രാവിലെ ട്യുവുമ്പായിലാണ് അപകടം. സിഡ്നിക്കടുത്ത് ഓറഞ്ചില് നിന്നു ബ്രിസ്ബേനിലേക്കു യാത്ര ചെയ്യവേയാണ് കാർ അപകടത്തിൽപ്പെട്ടത്. പരിക്കേറ്റ ബിബിനേയും മറ്റു കുട്ടികളെയും ആശുപത്രിയിൽ പ്രവേശിപ്പിച്ചു. ബിബിന് അപകടനില തരണം ചെയ്തതായും കുട്ടികള് തീവ്രപരിചരണ വിഭാഗത്തില് തുടരുകയാണെന്നും ബന്ധുക്കള്ക്ക് വിവരം ലഭിച്ചു.






