ന്യൂദല്ഹി- ഈ രാജകുമാരനെക്കുറിച്ച് ഞാന് പറയാം. അദ്ദേഹത്തിന് ബുദ്ധിയുടെ കുറവുണ്ടായിരുന്നു. ഇപ്പോള് അത് നഷ്ടമായി. ഇനി എന്നെന്നേക്കുമായി നഷ്ടപ്പെടും. കോവിഡ് മരണ പട്ടിക സംസ്ഥാനങ്ങളാണ് കേന്ദ്രത്തിന് നല്കുന്നത്. നിങ്ങളുടെ പാര്ട്ടി ഭരിക്കുന്ന സംസ്ഥാനങ്ങളോട് ഈ പട്ടിക പരിഷ്കരിച്ച് അയക്കാന് നിങ്ങള്ക്ക് ആവശ്യപ്പെടാം. അതുവരെ കള്ളം പറയുന്നത് നിര്ത്തണം'- കേന്ദ്രമന്ത്രി ഗിരിരാജ് സിംഗിന്റേതാണ് ട്വീറ്റ്. പറയുന്നത് കോണ്ഗ്രസ് നേതാവ് രാഹുല് ഗാ്ന്ധിയെക്കുറിച്ചും. മറ്റൊരു പ്രത്യേകത കൂടിയുണ്ട്. ഇറ്റാലിയന് ഭാഷയിലായിരുന്നു മറുപടി.
രാജ്യത്ത് കോവിഡ് രണ്ടാം തരംഗത്തില് ഓക്സിജന് ക്ഷാമം മൂലം ആരും മരിച്ചിട്ടില്ലെന്ന കേന്ദ്രസര്ക്കാര് വാദത്തെ രാഹുല് ഗാന്ധി വിമര്ശിച്ചിരുന്നു.
