മലപ്പുറം- രാമപുരം ബ്ലോക്ക് പടിയില് ഒറ്റയ്ക്ക് താമസിക്കുന്ന മുട്ടത്തില് ആയിഷ (70)യെ വീട്ടിലെ ശുചിമുറിയില് മരിച്ച നിലയില് കണ്ടെത്തി.
ആയിഷ പകല് സ്വന്തം വീട്ടില് കഴിയുകയും രാത്രിയാകുമ്പോള് മകന്റെ വീട്ടിലേക്ക് പോവുകയുമാണ് പതിവ്. പേരക്കുട്ടികള് എത്തിയാണ് ആയിഷയെ കൂട്ടിക്കൊണ്ടുപോകാറുള്ളത്.
കഴിഞ്ഞ ദിവസവും രാത്രി 9.15 -ഓടുകൂടി പേരക്കുട്ടികളെത്തി. വീട്ടില് നിന്നു പ്രതികരണം ലഭിക്കാത്തതുകൊണ്ട് അകത്തുകയറി നോക്കിയപ്പോഴാണ് രക്തം വാര്ന്ന് മരിച്ച നിലയില് കണ്ടെത്തിയത്. മരണത്തില് ബന്ധുക്കള് സംശയം പ്രകടിപ്പിച്ചത് കാരണം മങ്കട പോലീസ് അന്വേഷണം ആരംഭിച്ചു. മൃതദേഹം പെരിന്തല്മണ്ണ താലൂക്ക് ആശുപത്രിയില് സൂക്ഷിച്ചിരിക്കുകയാണ്.
