കൊല്ലം - കൊട്ടിയം നെടുമ്പന പള്ളിമണ്ണിൽ ജീവനൊടുക്കാൻ ശ്രമിച്ച നവ ദമ്പതികളിൽ ഭർത്താവ് മരിച്ചു. പള്ളിമൺ കിഴക്കേകര ഐക്യരഴികത്ത് വീട്ടിൽ ശ്രീഹരി (22) ആണ് മരിച്ചത്. ഭാര്യ അശ്വതി ആശുപത്രിയിൽ ചികിത്സയിലാണ്.
ഇരുവരും തമ്മിലുള്ള അഭിപ്രായ വ്യത്യാസത്തെ തുടർന്ന് അശ്വതി അമിതമായി മരുന്നു കഴിച്ച് ജീവനൊടുക്കാൻ ശ്രമിച്ചതിനെ തുടർന്നാണ് ശ്രീഹരി തൂങ്ങി മരിക്കാൻ ശ്രമിച്ചതെന്ന് പറയുന്നു.
കഴിഞ്ഞ വെള്ളിയാഴ്ചയാണ് ആത്മഹത്യാ ശ്രമം ഉണ്ടായത്. മീയ്യന്നൂരിലെ സ്വകാര്യ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് ശ്രീഹരി മരിച്ചത്. കണ്ണനല്ലൂർ പോലീസ് അസ്വഭാവിക മരണത്തിന് കേസെടുത്തിട്ടുണ്ട്.അശ്വതി അപകടനില തരണം ചെയ്തതായി ആശുപത്രി അധികൃതർ അറിയിച്ചു.
