ന്യൂദൽഹി- മെഡിക്കൽ പ്രവേശന പരീക്ഷ നീറ്റ് സെപ്റ്റംബർ 12ന് കോവിഡ് പ്രോട്ടോക്കോൾ പാലിച്ച് നടത്തുമെന്ന് മന്ത്രി ധർമ്മേന്ദ്ര പ്രധാൻ അറിയിച്ചു. അപേക്ഷ നടപടിക്രമങ്ങൾ നാളെ വൈകുന്നേരം 5 മണി മുതൽ തുടങ്ങും. എൻ.ടഎ വെബ്‌സൈറ്റ് വഴി അപേക്ഷ സമർപ്പിക്കാം.
സാമൂഹിക അകലം ഉറപ്പ് വരുത്താനായി പരീക്ഷ കേന്ദ്രങ്ങളുടെ എണ്ണ വർദ്ധിപ്പിച്ചു. 198 നഗരങ്ങളിലായാണ് ഇത്തവണ പരീക്ഷ നടത്തുക. 2020ൽ 155 നഗരങ്ങളിലായി 3862 പരീക്ഷ കേന്ദ്രങ്ങളായിരുന്നു ഉണ്ടായിരുന്നത്. എല്ലാ വിദ്യാർത്ഥികൾക്കും പരീക്ഷകേന്ദ്രങ്ങളിൽ നിന്ന് മാസ്‌കുകൾ നൽകും. രജിസ്‌ട്രേഷൻ സമയത്തും പരീക്ഷ സമയത്തും ആവശ്യമായ കൊവിഡ് നിയന്ത്രണങ്ങൾ ഉറപ്പ് വരുത്തുമെന്നും കേന്ദ്ര വിദ്യാഭ്യാസ വകുപ്പ് മന്ത്രി പറഞ്ഞു.
