തിരുവനന്തപുരം- മടങ്ങിപ്പോകുന്ന പ്രവാസികള്ക്ക് കൂടുതല് വിമാന സര്വീസുകള് അനുവദിക്കുന്ന വിഷയം പാര്ലമെന്റ് സമ്മേളനത്തില് ഉന്നയിക്കണമെന്ന് എം.പിമാരുടെ യോഗത്തില് മുഖ്യമന്ത്രി പിണറായി വിജയന്. മടങ്ങിയെത്തുന്ന പ്രവാസികളുടെ അതിജീവനത്തിന് കേന്ദ്ര സര്ക്കാര് പാക്കേജ് പ്രഖ്യാപിക്കണമെന്നും അദ്ദേഹം ആവശ്യപ്പെട്ടു.
കോട്ടപ്പുറം-കോഴിക്കോട് ദേശീയ ജലപാതയ്ക്ക് കേന്ദ്ര ഫണ്ട് ലഭ്യമാക്കണം. തീരശോഷണം പ്രകൃതി ദുരന്തമായി പ്രഖ്യാപിക്കാന് നടപടിയെടുക്കണം.
പൗരത്വ ഭേദഗതി നിയമം പിന്വലിക്കണമെന്ന ആവശ്യത്തില് സംസ്ഥാന സര്ക്കാര് ഉറച്ചു നില്ക്കുകയാണ്. ഇതുമായി മുന്നോട്ടുപോയാല് ഉണ്ടാകാവുന്ന പ്രത്യാഘാതങ്ങളെക്കുറിച്ച് കേന്ദ്രസര്ക്കാരിനു മുന്നില് ഉന്നയിക്കണം.
