തിരുവനന്തപുരം- വിഴിഞ്ഞം വെങ്ങാനൂരിൽ യുവതിയെ തീകൊളുത്തി മരിച്ച നിലയിൽ കണ്ടെത്തി. വെങ്ങാനൂർ സ്വദേശി അർച്ചന(24)യാണ് മരിച്ചത്. പോലീസിനെ കണ്ട് ഓടി രക്ഷപ്പെടാൻ ശ്രമിക്കുന്നതിനിടെ ഭർത്താവ് സുരേഷ് പിടയിലായി. ഇയാളെ പോലീസ് ചോദ്യം ചെയ്യുകയാണ്. മരണത്തിൽ ദുരൂഹത ആരോപിച്ച് അർച്ചനയുടെ ബന്ധുക്കൾ രംഗത്തെത്തി. ഇന്നലെയാണ് അർച്ചനയെ കുടുംബവീട്ടിൽനിന്ന് സുരേഷ് കൊണ്ടുവന്നത്. കുപ്പിയിൽ ഡീസലുമായാണ് സുരേഷ് എത്തിയതെന്ന് അർച്ചനയുടെ അച്ഛൻ പറഞ്ഞു. ഉറുമ്പിനെ കൊല്ലാനാണ് ഡീസൽ എന്ന് പറഞ്ഞത്. രാത്രി എട്ടരയ്ക്ക് ഇവർ സ്വന്തം വീട്ടിൽനിന്ന് ഇറങ്ങിയത്. പന്ത്രണ്ടരയ്ക്കാണ് അർച്ചന മരിച്ചുവെന്ന് സുരേഷ് വിളിച്ചറിയിച്ചത്. സുരേഷിന്റെ വീട്ടുകാർ പണവും ഓഹരിയും ചോദിച്ചിരുന്നതായും അർച്ചനയുടെ അച്ഛൻ പറഞ്ഞു. ഒരു വർഷം മുമ്പായിരുന്നു ഇരുവരും തമ്മിലുള്ള വിവാഹം.
