റിയാദ്- സൗദിയിലേക്ക് പ്രവേശിക്കുന്നതിനുള്ള രജിസ്‌ട്രേഷൻ സംവിധാനമായ മുഖീമിൽ കൂടുതൽ സേവനങ്ങൾ ലഭ്യമായി. വാക്‌സിൻ സ്വീകരിച്ചവർക്കും സ്വീകരിക്കാത്തവർക്കും മുഖീമിൽ രജിസ്റ്റർ ചെയ്യാം. വാക്‌സിൻ സ്വീകരിച്ച സൗദി ഇഖാമയുള്ളവർ, വാക്‌സിൻ സ്വീകരിക്കാത്ത ഇഖാമയുള്ളവർ, വാക്‌സിൻ സ്വീകരിച്ച സന്ദർശക വിസക്കാർ, കുത്തിവെപ്പെടുക്കാത്ത സന്ദർശക വിസക്കാർ എന്നിങ്ങനെയുള്ള ഓപ്ഷനാണ് നിലവിൽ വന്നത്.
രജിസ്ട്രേഷന്‍ ചെയ്യാന്‍ ഇവിടെ ക്ലിക്ക് ചെയ്യുക
വാക്‌സിൻ എടുക്കാത്തവർ സൗദിയിലേക്ക് എത്തുമ്പോൾ ഇൻസ്റ്റിറ്റിയൂഷണൽ ക്വാറന്റൈൻ ഏർപ്പെടുത്താനുള്ള സൗകര്യം കൂടി കണക്കിലെടുത്താണ് മുഖീമിൽ സൗകര്യം ഏർപ്പെടുത്തിയത്. വാക്‌സിൻ വിശദാംശങ്ങൾ നൽകാത്തവർക്ക് സൗദിയിലേക്ക് വരാനാകില്ല. വിമാനത്തിൽ ബോർഡിംഗ് പാസ് ലഭ്യമാകാൻ മുഖീമിൽ രജിസ്‌ട്രേഷൻ നിർബന്ധമാണ്. സൗദിയിലേക്ക് പുറപ്പെടുന്നതിന് 72 മണിക്കൂർ മുമ്പാണ് വിവരങ്ങൾ മുഖീമിൽ നൽകേണ്ടത്. നൽകിയ വിവരങ്ങൾ ബോർഡിംഗ് പാസ് നൽകുന്ന സമയത്ത് വിമാനകമ്പനി അധികൃതർ ഉറപ്പാക്കും.
വാക്‌സിൻ സ്വീകരിക്കാത്തവരും 72 മണിക്കൂർ മുമ്പാണ് വിവരങ്ങൾ എന്റർ ചെയ്യേണ്ടത്. വാക്‌സിനേഷൻ സർട്ടിഫിക്കറ്റുകൾ അതാത് രാജ്യങ്ങളിലെ ഔദ്യോഗിക ആരോഗ്യവകുപ്പ് അധികൃതർ സാക്ഷ്യപ്പെടുത്തണം. യഥാർത്ഥ സർട്ടിഫിക്കറ്റ് കൈവശം സൂക്ഷിക്കണം.
