തൃശൂര്- പെണ്കുട്ടിയെ പീഡിപ്പിച്ച ടിക് ടോക് താരം തൃശൂരില് പോലീസ് പിടിയിലായി. നിരവധി ടിക് ടോക് വീഡിയോകളിലൂടെ പ്രശസ്തിനേടിയവടക്കാഞ്ചേരി കുമ്പളങ്ങാട്ട് പള്ളിയത്ത് പറമ്പില് വിഘ്നേഷ് കൃഷ്ണയാണ് (അമ്പിളി-19) പീഡനക്കേസില് അറസ്റ്റിലായത്. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയ കേസിലാണ് ഇയാളുടെ അറസ്റ്റ്.
ഫോണിലൂടെ പരിചയപ്പെട്ട പെണ്കുട്ടിയെ വിവാഹ വാഗ്ദാനം നല്കി ഇയാള് പീഡിപ്പിക്കുകയായിരുന്നു. പെണ്കുട്ടിയുടെ വീട്ടുകാരുടെ പരാതിയെ തുടര്ന്നാണ് പോലീസ് ഇയാള്ക്കായി തെരച്ചില് ആരംഭിച്ചത്. തുടര്ന്ന് തൃശൂര് മെഡിക്കല് കോളേജ് ആശുപത്രി പരിസരത്തുനിന്ന് യുവാവിനെ അറസ്റ്റ് ചെയ്യുകയായിരുന്നു.
സി.ഐ, എം.കെ മുരളിയുടെ നിര്ദേശപ്രകാരം എസ്.ഐ ഉദയകുമാര്, സി.പി.ഒമാരായ അസില്, സജീവ് എന്നിവരാണ് വിഘ്നേഷിനെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. സാമൂഹ്യ മാധ്യമങ്ങളിലൂടെ വൈറലായ ഇയാള് സൗഹൃദം സ്ഥാപിച്ചാണ് പെണ്കുട്ടിയെ പീഡിപ്പിച്ചത്.
