ചണ്ഡീഗഢ്- ഹരിയാനയിലെ റെവാഡി ജില്ലയില് ആളൊഴിഞ്ഞ സ്കൂള് കെട്ടിടത്തില് പത്തു വയസ്സുകാരിയായ പെണ്കുട്ടിയെ യുവാവും എട്ട് കുട്ടികളും ചേര്ന്ന് കൂട്ടബലാത്സംഗം ചെയ്തു. ദൃശ്യം മൊബൈലില് പകര്ത്തി സമൂഹമാധ്യമത്തില് പ്രചരിപ്പിക്കുകയും ചെയ്തു. മേയ് 24നാണ് സംഭവം നടന്നത്. വിഡിയോ വാട്സാപ്പിലൂടെ പ്രചരിച്ചതോടെയാണ് വീട്ടുകാര് സംഭവം അറിഞ്ഞത്. ഉടന് പരാതി നല്കി. പ്രതികളില് അഞ്ചു പേരെ പിടികൂടി. എല്ലാവരും പെണ്കുട്ടിയുടെ ബന്ധുക്കളാണ്.
വീട്ടിനു പുറത്ത് കളിച്ചു കൊണ്ടിരിക്കെ പ്രതികള് പെണ്കുട്ടിയെ തന്ത്രപൂര്വ്വം സമീപത്തെ ആളൊഴിഞ്ഞ സ്കൂള് കെട്ടിടത്തില് എത്തിക്കുകയായിരുന്നുവെന്ന് പരാതിയില് കുടുംബം പറയുന്നു. പ്രായപൂര്ത്തിയാകാത്ത കുട്ടികള് പെണ്കുട്ടിയെ ബലാത്സംഗം ചെയ്യുമ്പോള് പ്രതിയായ 18കാരന് മൊബൈലില് പകര്ത്തുകയും അത് പ്രചരിപ്പിക്കുകയും ചെയ്തുവന്നം പോലീസ് പറയുന്നു. കേസിലുള്പ്പെട്ട അഞ്ച് കുട്ടികള് 10നും 12നും ഇടയില് പ്രായമുള്ളവരാണ്.
