ന്യൂദൽഹി- രാഹുൽ ഗാന്ധിയുടെ വിശ്വസ്തനായി അറിയപ്പെട്ടിരുന്ന കോൺഗ്രസ് നേതാവും മുൻ കേന്ദ്രമന്ത്രിയുമായ ജിതിൻ പ്രസാദ ബി.ജെ.പിയിൽ ചേർന്നു. കോൺഗ്രസിൽ നേതൃമാറ്റമാവശ്യപ്പെട്ട ജി-23 സംഘത്തിലുണ്ടായിരുന്ന ആളായിരുന്നു.
ഏറെ ചിന്തിച്ചെടുത്ത തീരുമാനമാണെന്നും നിലവിലെ സഹചര്യത്തിൽ കൃത്യമായ പദ്ധതികളും നേതൃത്വവുമുള്ളത് ബി.ജെ.പിക്കാണെന്നും ജിതിൻ പ്രസാദ പറഞ്ഞു. പാർട്ടിയിൽ മാറ്റങ്ങൾ വരുത്തണമെന്നാവശ്യപ്പെട്ട് സോണിയ ഗാന്ധിയെ സമീപിച്ച നേതാക്കളിൽ ഒരാളായിരുന്നു ജിതിൻ പ്രസാദ. ബംഗാളിൽ കോൺഗ്രസിന്റെ ചുമതലയുള്ള എ.ഐ.സി.സി സെക്രട്ടറിയുമായിരുന്നു.
