മുംബൈ- മഹാരാഷ്ട്രയിൽ കോവിഡ് ബാധിച്ച് ആറ് ദിവസം പ്രായമായ കുഞ്ഞ് മരിച്ചു. പൽഗാറിലാണ് സംഭവം. പർഗാർ ജില്ലയിലെ സഫാലെയിൽ മെയ് 31നാണ് ഒരു സ്വകാര്യ ആശുപത്രിയിലാണ് കുഞ്ഞ് ജനിച്ചത്. മാസം തികയാതെ പ്രസവിച്ച കുഞ്ഞിന് ഭാരം കുറവായിരുന്നു.ആരോഗ്യനില മോശമായതിനെ തുടർന്ന് കുഞ്ഞിനെയും അമ്മയെയും മറ്റൊരു ആശുപത്രിയിലേക്ക് മാറ്റി. ആന്റിജൻ ടെസ്റ്റിൽ കുഞ്ഞിന് കോവിഡ് പോസിറ്റീവാണെന്ന് കണ്ടെത്തി. അമ്മക്ക് നെഗറ്റീവായിരുന്നു. തുടർന്ന് കുഞ്ഞിനെ പൽഗാറിലെ ആശുപത്രിയിലെത്തിച്ചു. കോവിഡ് പോസിറ്റീവാണെന്ന് കണ്ടെത്തിയതിനെ തുടർന്ന് മൂന്ന് വ്യതസ്ത ആശുപത്രികളിൽ എത്തിച്ചെങ്കിലും ആവശ്യമായ ചികിത്സ ലഭിക്കാത്തതിനെ തുടർന്നാണ് കുഞ്ഞ് മരിച്ചത്. ആരോഗ്യനില കൂടുതൽ വഷളായതോടെ ശനിയാഴ്ച കുഞ്ഞ് മരിക്കുകയായിരുന്നു.
