റിയാദ് - ദക്ഷിണ റിയാദിൽ അൽമീനാ റോഡിൽ ദാറുൽബൈദാ ഡിസ്ട്രിക്ടിൽ ദുരൂഹ സാഹചര്യത്തിൽ പെൺകുട്ടിയെ കാണാതായി. കഴിഞ്ഞ ദിവസം രാത്രി വീട്ടിനു സമീപത്തെ ബൂഫിയയിലേക്ക് പോയ 19 കാരി റോസാൻ വീട്ടിൽ തിരിച്ചെത്താതാവുകയായിരുന്നെന്ന് പിതൃസഹോദരൻ പറഞ്ഞു. സമീപ പ്രദേശങ്ങളിലെല്ലാം കുടുംബം തിരച്ചിലുകൾ നടത്തിയെങ്കിലും റോസാനെ കണ്ടെത്താനായില്ല.
സുരക്ഷാ വകുപ്പുകളുടെയും നാട്ടുകാരുടെയും സഹായത്തോടെ റോസാനെ കണ്ടെത്താൻ സാധിക്കുമെന്ന പ്രതീക്ഷയിലാണ് കുടുംബം. കാണാതാകുമ്പോൾ ചുവപ്പ് നിറത്തിലുള്ള ബ്ലൗസ് ആണ് റോസാൻ ധരിച്ചിരുന്നത്. മാതാപിതാക്കളുടെ മൂത്ത മകളാണ് റോസാൻ. റോസാനെ കുറിച്ച് വല്ല വിവരവും അറിയുന്നവർ അതേ കുറിച്ച് 0554805424, 0556320978, 0500990846 എന്നീ നമ്പറുകളിൽ ബന്ധപ്പെട്ട് അറിയിക്കണമെന്നും പിതൃസഹോദരൻ എല്ലാവരോടും ആവശ്യപ്പെട്ടു.