കണ്ണൂർ- കണ്ണൂർ ജില്ലാ ആശുപത്രിയിൽ അത്യാധുനിക കോവിഡ് ചികിത്സാ സൗകര്യമൊരുക്കിയത് ഒരാഴ്ച കൊണ്ട്.
സംസ്ഥാനത്തെ ആശുപത്രികളിൽ കോവിഡ് ചികിത്സയ്ക്കാവശ്യമായ സൗകര്യങ്ങൾ വർദ്ധിപ്പിക്കുന്നതിന്റെ ഭാഗമായാണ് കണ്ണൂരിലും സൗകര്യം ഒരുക്കിയത്. അഞ്ചു വെന്റിലേറ്ററുകളും, 12 ഐസിയു ബെഡുകളും, 31 ഓക്സിജൻ പൈപ് ലൈൻ സപ്പോർട്ട് ബെഡുകളുമാണ് അതിവേഗം സജ്ജീകരിച്ചത്. രോഗികളുടെ മാനസിക സമ്മർദ്ദം കുറയ്ക്കാൻ മ്യൂസിക് സിസ്റ്റം കൂടി തയ്യാറാക്കി. ജില്ലാ ആശുപത്രിയ്ക്ക് അനുവദിച്ച 60 ലക്ഷം രൂപയിൽ നിന്ന് 15 ലക്ഷം ചിലവഴിച്ചാണ് പദ്ധതി നടപ്പിലാക്കിയത്.
