കണ്ണൂര്- പാനൂരില് മുസ്ലിം ലീഗ് പ്രവര്ത്തകന് മന്സൂറിനെ കൊലപ്പെടുത്തിയ കേസില് രണ്ടുപേര് കൂടി അറസ്റ്റില്. കൊലപാതകത്തില് നേരിട്ട് പങ്കെടുത്തവരാണ് പിടിയിലായതെന്ന് പോലിസ് പറഞ്ഞു.
നേരത്തെ പിടിയിലായ ഷിനോസാണ് കേസിലെ ഒന്നാം പ്രതി. രണ്ടാം പ്രതി രതീഷ് കൂലോത്തിനെ ആത്മഹത്യ ചെയ്ത നിലയില് കണ്ടെത്തിയിരുന്നു. കൊല്ലപ്പെട്ട മന്സൂറിന്റെ സഹോദരന് മുഹ്സിന്റെ മൊഴി പോലിസ് രേഖപ്പെടുത്തി.
മന്സൂറിന്റെ കൊലപാതകത്തിനായി അക്രമികള് ഗൂഢാലോചന നടത്തിയത് വാട്സാപ്പിലൂടെയാണെന്ന് പോലിസ് കണ്ടെത്തിയിട്ടുണ്ട്. റിമാന്ഡിലായ പ്രതി ഷിനോസിന്റെ ഫോണില് നിന്നാണ് നിര്ണായക വിവരങ്ങള് പോലിസിന് കിട്ടിയത്. കൊല്ലപ്പെട്ട മന്സൂറിന്റെ സഹോദരന് മുഹ്സിനെ ആക്രമിക്കാമെന്ന തരത്തിലുള്ള വാട്സാപ്പ് സന്ദേശങ്ങള് ഫോണിലുണ്ടായിരുന്നതായി പോലിസ് പറയുന്നു. ബോംബും വടിവാളുകളും ശേഖരിച്ചതും വാട്സാപ്പ് വഴിയെന്നാണ് പോലിസിന്റെ നിഗമനം. ഫോണില് നിന്ന് നീക്കം ചെയ്ത മെസേജുകള് തിരിച്ചെടുക്കാനായി സൈബര് സെല്ലിന് കൈമാറി. അതേസമയം. അന്വേഷണം കാര്യക്ഷമമല്ലെന്ന ആരോപണത്തില് പ്രതിപക്ഷ പാർട്ടികള് ഉറച്ചുനില്ക്കുകയാണ്. സിപിഎമ്മുകാരായ പ്രതികളെ രക്ഷപ്പെടുത്താനാണ് അന്വേഷണ സംഘം ശ്രമിക്കുന്നുവെന്നാണ് ആരോപണം.
