കണ്ണൂര്- പാനൂരില് തിരഞ്ഞെടുപ്പിനിടെയുണ്ടായ സംഘര്ഷത്തില് മുസ്ലീംലീഗ് പ്രവര്ത്തകന് കൊല്ലപ്പെട്ട സംഭവത്തില് സി.പി.എം പ്രവർത്തകന് പിടിയില്. പുല്ലൂക്കര പാറാല് മന്സൂര്(22) ആണ് കൊല്ലപ്പെട്ടത്. സഹോദരന് മുഹ്സിന് പരിക്കേറ്റിരുന്നു.
കഴിഞ്ഞ ദിവസം രാവിലെ മുതല് പ്രദേശത്ത് ചെറിയ രീതിയിലുളള സംഘര്ഷമുണ്ടായിരുന്നു. ഉച്ചയ്ക്ക് പന്ത്രണ്ടരയോടെ സംഘര്ഷം രൂക്ഷമായി. 149-150 എന്നീ രണ്ടുബൂത്തുകള്ക്കിടയിലായിരുന്നു പ്രശ്നം. ഓപ്പണ് വോട്ട് ചെയ്യുന്നതിനായി വോട്ടര്മാരെ കൊണ്ടുവരുന്നതുമായി ബന്ധപ്പെട്ടായിരുന്നു തര്ക്കം.
വോട്ടെടുപ്പ് തീര്ന്നതോടെ തര്ക്കം അവസാനിച്ചെന്ന് കരുതിയെങ്കിലും രാത്രി ഏഴരയോടെ വീണ്ടും സംഘര്ഷത്തിലെത്തി. രാത്രിയോടെ ഒളിച്ചിരുന്ന ഒരുസംഘം ആളുകള് മന്സൂര് വീട്ടില് നിന്ന് പുറത്തിറങ്ങുന്ന സമയം നോക്കി ബോംബ് എറിയുകയും തുടര്ന്ന് വെട്ടി പരിക്കേല്പ്പിക്കുകയുമായിരുന്നു.
ഗുരുതരമായി പരിക്കേറ്റ മന്സൂറിനേയും സഹോദരനേയും ആദ്യം തലശ്ശേരി ഇന്ദിരാഗാന്ധി ആശുപത്രിയിലും പിന്നീട് കോഴിക്കോട്ട് സ്വകാര്യ ആശുപത്രിയിലും പ്രവേശിപ്പിച്ചു. രാത്രി ഒരു മണിയോടെയായിരുന്നു മരണം.
മന്സൂറിന്റെ കൊലപാതകത്തില് പ്രതിഷേധിച്ച് കൂത്തുപറമ്പ് നിയോജക മണ്ഡലത്തില് ഇന്ന് യു.ഡി.എഫ്. ഹര്ത്താലിന് ആഹ്വാനം ചെയ്തു