തിരൂർ- തെരഞ്ഞെടുപ്പ് പ്രചാരണം അവസാന ലാപ്പിലെത്തിയപ്പോൾ അവസാന വോട്ടും ഉറപ്പിച്ച് തിരൂർ എൽ.ഡി.എഫ് സ്ഥാനാർഥി ഗഫൂർ പി.ലില്ലീസ്. ഇന്നലെ രാവിലെ വിവിധ വീടുകളിൽ കയറി വോട്ടുറപ്പിച്ചാണ് പ്രചാരണം ആരംഭിച്ചത്. വീണ്ടും എൽ.ഡി.എഫ് സർക്കാർ തന്നെ അധികാരത്തിലെത്തുമെന്നും ഇത്തവണ തനിക്കുവോട്ടുചെയ്താൽ തിരൂരിലെ വികസനത്തിന് അത്ഭുതം തീർക്കാൻ സാധിക്കുമെന്നും ജനങ്ങളിൽ ഒരാളായി കൂടെയുണ്ടാകുമെന്നും ഗഫൂർ പി.ലില്ലീസ് വീട്ടുകാരോട് പറഞ്ഞു. ശേഷം തിരൂർ സിവിൽ സ്‌റ്റേഷൻ, ഗൈഡ് കോളജ്, സിറ്റി ആശുപത്രി, ഭിന്നശേഷിക്കാർ കഴിയുന്ന തിരൂരിലെ കിൻഷിപ്പ് സ്ഥാപനം എന്നിവിടങ്ങൾ സന്ദർശിച്ചു. ശേഷം രണ്ടു കല്യാണ വീടുകളിലും ഗഫൂർ പി.ലില്ലീസ് എത്തി. തുടർന്ന് വൈകിട്ട് തിരൂർ മുൻസിപ്പൽ റോഡ്‌ഷോ നടത്തി. പെരുവഴിയമ്പലത്തുനിന്നും ആരംഭിച്ച റോഡ്‌ഷോ പൂക്കയിൽ, പൊരൂർ, താഴെപ്പാലം, വടക്കെ അന്നാര, തെക്കെഅന്നാര, തെക്കുംമുറി, കെ.ജി.പടി, തൃക്കണ്ടിയൂർ, സിറ്റി, മാവുംകുന്ന്, പുഴംകുളങ്ങര, മുത്തൂർ, കൂത്ത്പറമ്പ്, ഏഴൂർ, മതിലിങ്ങൽ, പയ്യനങ്ങാടി, ആലിൻചുവട്, മൈലാടിക്കുന്ന്, പഞ്ചാരമൂല, കുരിക്കൾപടി എന്നിവിടങ്ങളിലെ പര്യടന ശേഷം ചെമ്പ്രയിൽ സമാപിച്ചു.
