വാരാണസി- വിമാനം പറക്കുന്നതിനിടെ എമർജൻസി ഡോർ തുറക്കാൻ ശ്രമിച്ച യാത്രക്കാരനെ പോലീസ് അറസ്റ്റ് ചെയ്തു. വിമാന യാത്രക്കാർ ബലംപ്രയോിച്ച് കീഴടക്കിയ യാത്രക്കാരനെ വാരാണസിയില്‍ വിമാനം ഇറങങിയ ഉടന്‍ പോലീസില്‍ ഏല്‍പിക്കുകയായിരുന്നു.
ഗൗരവ് എന്നയാളാണ് അറസ്റ്റിലായത്. ദല്‍ഹിയില്‍നിന്ന് വാരാണസിയിലേക്കുള്ള സ്പൈസ് ജെറ്റ് വിമാനത്തിലായിരുന്നു നാടകീയ സംഭവം. എമർജന്‍സി വാതിൽ തുറക്കാൻ ശ്രമിച്ച യാത്രക്കാരനെ ജീവനക്കാർ മറ്റു യാത്രക്കാരുടെ സഹായത്തോടെയാണ് തടഞ്ഞത്.
വിമാനം പറന്നുയർന്ന ഉടനെ ഗൗരവ് സീറ്റിൽ നിന്നെഴുന്നേറ്റ് എമർജൻസി ഡോർ തുറക്കാൻ ശ്രമിക്കുകയായിരുന്നു. വിമാനത്തിൽ 89 യാത്രക്കാരുണ്ടായിരുന്നു.
