റിയാദ് - തലസ്ഥാന നഗരിയിലെ വിവിധ ഡിസ്ട്രിക്ടുകളില് വീടുകളിലും വ്യാപാര സ്ഥാപനങ്ങളിലും സ്കൂളുകളിലും കവര്ച്ചകള് നടത്തിയ രണ്ടംഗ സംഘത്തെ റിയാദില് നിന്ന് പോലീസ് അറസ്റ്റ് ചെയ്തു. ഇരുപതിനടുത്ത് പ്രായമുള്ള സൗദി യുവാക്കളാണ് പിടിയിലായത്. വിവിധ ഡിസ്ട്രിക്ടുകളില് 34 കവര്ച്ചകള് നടത്തിയതായി ചോദ്യം ചെയ്യലില് പ്രതികള് സമ്മതിച്ചു. പണവും ആഭരണങ്ങളും വിലപിടിച്ച വസ്തുക്കളും അടക്കം നാലര ലക്ഷം റിയാല് ഇരുവരും ചേര്ന്ന് കവര്ന്നതായി കണ്ടെത്തിയിട്ടുണ്ട്. നിയമ നടപടികള്ക്ക് പബ്ലിക് പ്രോസിക്യൂഷന് കൈമാറുന്നതിനു മുന്നോടിയായി പ്രതികള്ക്കെതിരായ കേസില് നിയമാനുസൃത നടപടികള് പൂര്ത്തിയാക്കിവരികയാണെന്ന് റിയാദ് പോലീസ് അറിയിച്ചു.
