മെല്ബണ്- 'കോവിഡ് -19' തടയാന് ആസ്ട്രാസെനെക്ക വാക്സിന് ഉപയോഗിക്കുന്നത് നിര്ത്താന് ഓസ്ട്രേലിയക്ക് പദ്ധതിയില്ല. പാര്ശ്വഫലങ്ങള് ഉണ്ടാകാന് സാധ്യതയുണ്ടെന്ന റിപ്പോര്ട്ടുകളുടെ അടിസ്ഥാനത്തില് നിരവധി യൂറോപ്യന് രാജ്യങ്ങള് വാക്സിനേഷന് താല്ക്കാലികമായി നിര്ത്തിവച്ചിട്ടുണ്ട്.
യൂറോപ്യന് മെഡിസിന്സ് ഏജന്സി ഈ സംഭവങ്ങളെക്കുറിച്ച് അന്വേഷിച്ചുകൊണ്ടിരിക്കുകയാണ്. കോവിഡ് -19 തടയുന്നതില് അസ്ട്രാസെനെക്ക വാക്സിന് ഫലപ്രദമാണെന്ന അഭിപ്രായം സ്ഥിരീകരിച്ചു. അത് ഉപയോഗിക്കുന്നത് തുടരും. ഓസ്ട്രേലിയയിലെ ചീഫ് മെഡിക്കല് ഓഫീസര് പോള് കെല്ലിയെ ഉദ്ധരിച്ച് റോയിട്ടേഴ്സ് റിപ്പോര്ട്ട് ചെയ്തു.
വാക്സിനില് സര്ക്കാരിന് ഇപ്പോഴും വിശ്വാസമുണ്ടെന്നും കെല്ലി കൂട്ടിച്ചേര്ത്തു. ഇത് രക്തം കട്ടപിടിക്കാന് കാരണമാകുമെന്നതിന് നിലവില് തെളിവുകളൊന്നുമില്ല. എന്നിരുന്നാലും, റിപ്പോര്ട്ടുചെയ്ത പാര്ശ്വഫലങ്ങള് ജാഗ്രതയോടെ അന്വേഷിക്കുമെന്നും അദ്ദേഹം പറഞ്ഞു.
