കോഴിക്കോട്- കൂടത്തായി സീരിയലിന്റെ സിഡ്ി കാണണമെന്ന് പ്രതി ജോളി. സീരിയലിനെതിരെ നിയമനടപടി സ്വീകരിക്കാന് ആഗ്രഹിക്കുന്നു. ഇതിനായി സിഡി കാണാന് അനുവാദം ചോദിച്ച് കൂടത്തായി കൊലപാതക കേസിലെ ഒന്നാം പ്രതി ജോളി കോടതിയില് അപേക്ഷ നല്കി. സിഡി നല്കാന് സ്വകാര്യ ചാനലിന് നിര്ദേശം നല്കണമെന്നും പ്രതിഭാഗം ആവശ്യപ്പെട്ടിട്ടുണ്ട്.
ജോളിയുടെ സാമ്പത്തിക ഇടപാട് നടത്താന് അനുവദിക്കണമെന്ന അഡ്വ. ബി.എ ആളൂരിന്റെ അപേക്ഷ തള്ളിയതിന് പിന്നാലെയാണ് പ്രതിഭാഗം പുതിയ അപേക്ഷ നല്കിയത്. കൂടത്തായി കേസിനെ ആസ്പദമാക്കി സംപ്രേഷണം ചെയ്ത സീരിയല് തന്നേയും വീട്ടുകാരേയും മോശമായാണ് ചിത്രീകരിക്കുന്നതെന്നും മക്കളുടെ ഭാവിയെ വരെ ബാധിക്കുന്ന വിഷയമാണെന്നും പറഞ്ഞാണ് ജോളി കോടതിയെ സമീപിച്ചത്.
എന്നാല് ഇത് ഇവിടെ പരിഗണിക്കേണ്ട വിഷയമാണോയെന്ന് പരിശോധിക്കട്ടെയെന്ന മറുപടിയാണ് കോടതി നല്കിയത്.
