മുംബൈ- പുതിയ കോവിഡ് കേസുകളുടെ എണ്ണം ക്രമാതീതമായി ഉയരുന്ന സാഹചര്യത്തില് കടുത്ത നിയന്ത്രണങ്ങളിലേക്ക് കടക്കാനൊരുങ്ങി മുംബൈ സര്ക്കാര്. ഏട്ട് മുതല് 10 ദിവസത്തിനുള്ളില് മുംബൈയിലെ കോവിഡ് കേസുകള് നിയന്ത്രണ വിധേയമാക്കാന് സാധിച്ചില്ലെങ്കില് ഭാഗിക ലോക്ഡൗണ് ഏര്പ്പെടുത്തിയേക്കുമെന്ന് മന്ത്രി അസ്ലം ഷെയ്ക്ക് വ്യക്തമാക്കി. കര്ശന ക്വാറന്റീന്, കോവിഡ് പരിശോധന വര്ധിപ്പിക്കുക, വാക്സിനേഷന്റെ വേഗത വര്ധിപ്പിക്കുക എന്നിവയാണ് മറ്റ് മാര്ഗങ്ങള്.എന്നിട്ടും നഗരത്തിലെ പുതിയ കേസുകള് വര്ധിക്കുകയാണെങ്കില് ഭാഗിക ലോക്ഡൗണ് ഏര്പ്പെടുത്തുന്നുമെന്നും അദ്ദേഹം വ്യക്തമാക്കി.
തിങ്കളാഴ്ച 11,141 പേര്ക്കാണ് മഹാരാഷ്ട്രയില് കൊവിഡ് സ്ഥിരീകരിച്ചത്.കഴിഞ്ഞ 131 ദിവസത്തിനിടെ നഗരത്തില് റിപ്പോര്ട്ട് ചെയ്യുന്ന ഏറ്റവും ഉയര്ന്ന പ്രതിദിന കണക്കാണിത്.കേസുകള് വര്ധിക്കുന്ന സാഹചര്യം പരിശോധിക്കാന് കേന്ദ്രസംഘവും ഉടന് മഹാരാഷ്ട്രയിലെത്തും.