കുടക്- എസ്റ്റേറ്റില്ക്ക് മുത്തച്ഛനൊപ്പം എത്തിയ എട്ടു വയസ്സുകാരനെ കടുവ കടിച്ചുകൊന്നു. കർണാടകയിലെ കുടക് ജില്ലയിലെ ബെല്ലരു ഗ്രാമത്തിലാണ് സംഭവം. എസ്‌റ്റേറ്റിൽ ജോലിക്കെത്തിയ മുത്തച്ഛൻ കാഞ്ചയ്‌ക്കൊപ്പം എട്ടു വയസുള്ള രാമസ്വാമിയാണ് കൊല്ലപ്പെട്ടത്. മുത്തച്ഛനും കൂട്ടരും ജോലി ചെയ്യുന്നത് നോക്കിയിരിക്കെ കുട്ടിയെ കടുവ ആക്രമിക്കുകയായിരുന്നു. കാഞ്ചയ്ക്കും ആക്രമണത്തിൽ പരുക്കേറ്റു. ഇദ്ദേഹത്തെ മൈസൂരുവിലെ ആശുപത്രിയിലേക്ക് മാറ്റി. നാട്ടുകാരാണ് വനംവകുപ്പ് അധികൃതരെ വിവരം അറിയിച്ചത്. കുട്ടിയുടെ മൃതദേഹം ബന്ധുക്കൾക്ക് കൈമാറി. പ്രകോപിതരായ നാട്ടുകാർ പ്രതിഷേധവുമായി രംഗത്തെത്തി.
