Sorry, you need to enable JavaScript to visit this website.

ആറു വയസ്സുകാരിയെ കൊലപ്പെടുത്തിയ 12 കാരന്‍ പിടിയില്‍; പീഡിപ്പിച്ചെന്ന് സംശയം

ചണ്ഡീഗഡ്​- ആറുവയസുകാരിയെ കൊലപ്പെടുത്തിയ കേസിൽ 12 കാരനെ പോലീസ് അറസ്റ്റ് ചെയ്തു. കാണാതായ പെൺകുട്ടിയുടെ മുഖം കല്ലു കൊണ്ട് ഇടിച്ച് വികൃതമാക്കിയ നിലയിലാണ്​ മൃതദേഹം കണ്ടെത്തിയത്. ബാലിക ബലാത്സംഗത്തിനിരയായതായി സംശയിക്കുന്നുണ്ടെങ്കിലും സ്ഥിരീകരിച്ചിട്ടില്ല.

വീട്ടുമുറ്റത്ത്​ കളിച്ചുകൊണ്ടിരുന്ന നഴ്​സറി വിദ്യാർഥിനിയെ കാണാതാകുകയായിരുന്നു. പിന്നീട്​ ഹാലോ മജ്​ര പ്രദേശത്തെ വനത്തിലാണ്​ പെൺകു​ട്ടിയുടെ മൃതദേഹം കണ്ടെത്തിയത്. പ്രതിയായ കുട്ടിയുടെ കുടുംബം അടക്കം പ്രതിഷേധവുമായി രംഗത്തുണ്ടായിരുന്നു. കുട്ടിയുടെ ശരീരത്തിൽ പാതി വസ്​ത്രം മാത്രമാണുണ്ടായിരുന്നത്​.

പെൺകുട്ടിയെ വനമേഖലയിലേക്ക്​ കൂട്ടികൊണ്ടുപോയ കാര്യം മാതാപിതാക്കളോട്​ പറയുമെന്ന്​ ഭയന്നാകാം 12കാര​ൻ പെൺകുട്ടിയെ കൊലപ്പെടുത്തിയതെന്ന്​​ മുതിർന്ന പോലീസ്​ ഉദ്യോഗസ്​ഥൻ പറഞ്ഞു. പെൺകുട്ടിയുടെ മൃതദേഹത്തിന്​ സമീപത്തുനിന്ന്​ കൊലപ്പെടുത്താൻ ഉപയോഗിച്ച കല്ല് പോലീസ്​ കണ്ടെടുത്തു.

സി.സി.ടി.വി ദൃശ്യങ്ങള​ുടെ അടിസ്​ഥാനത്തിലാണ്​ 12കാരനെ പൊലീസ്​ പിടികൂടിയത്​. കുട്ടിയുമായി 12കാരൻ സൈക്കിളിൽ പോകുന്നതിന്‍റെ ദൃശ്യങ്ങൾ ലഭിച്ചിരുന്നു.

Latest News