ജിസാന് - ദക്ഷിണ സൗദിയിലെ ജിസാനില് ബാലിസ്റ്റിക് മിസൈല് ഉപയോഗിച്ച് ആക്രമണം നടത്താന് ഹൂത്തി മിലീഷ്യകളുടെ ശ്രമം. വ്യാഴാഴ്ച രാത്രിയാണ് ജിസാനില് സാധാരണക്കാരെയും സിവിലിയന് കേന്ദ്രങ്ങളും ലക്ഷ്യമിട്ട് ഹൂത്തികള് മിസൈല് തൊടുത്തത്. ലക്ഷ്യസ്ഥാനത്തെത്തുന്നതിനു മുമ്പായി സഖ്യസേന മിസൈല് തകര്ത്തതായി സഖ്യസേനാ വക്താവ് ബ്രിഗേഡിയര് തുര്ക്കി അല്മാലികി അറിയിച്ചു. വ്യാഴാഴ്ച രാവിലെയും ജിസാനില് ബാലിസ്റ്റിക് മിസൈല് ആക്രമണത്തിന് ഹൂത്തികള് ശ്രമിച്ചിരുന്നു.
ദക്ഷിണ സൗദിയില് അസീര് പ്രവിശ്യയില് പെട്ട ഖമീസ് മുശൈത്തിലും ഡ്രോണ് ആക്രമണത്തിനും ഹൂത്തികള് വിഫല ശ്രമം നടത്തി. സ്ഫോടക വസ്തുക്കള് നിറച്ച പൈലറ്റില്ലാ വിമാനം ഉപയോഗിച്ച് വെള്ളിയാഴ്ച രാവിലെയാണ് ഹൂത്തികള് ഖമീസ് മുശൈത്തില് ആക്രമണം നടത്താന് ശ്രമിച്ചത്. ലക്ഷ്യസ്ഥാനത്തെത്തുന്നതിനു മുമ്പായി സഖ്യസേന ഡ്രോണ് വെടിവെച്ചിട്ടതായി ബ്രിഗേഡിയര് തുര്ക്കി അല്മാലികി പറഞ്ഞു.
