മുംബൈ- യുവതി ദുരൂഹ സാഹചര്യത്തിൽ മരിച്ച സംഭവത്തിൽ ആരോപണ വിധേയനായ മഹാരാഷ്ട്ര വനം മന്ത്രി സഞ്ജയ് റത്തോഡ് രാജിവച്ചു. പൂനെയിൽ താമസിച്ചിരുന്ന ര ബീഡ് സ്വദേശി പൂജ ചവാൻ ആണ് മരിച്ചത്.
പഠനവുമായി ബന്ധപ്പെട്ട് പൂനെയിൽ സഹോദരനും സുഹൃത്തുക്കൾക്കുമൊപ്പമാണ് പൂജ താമസിച്ചുവന്നത്. പൂജയുടെ മരണത്തിനു രണ്ട് ദിവസത്തിനു ശേഷം സമൂഹമാധ്യമങ്ങളിൽ ഓഡിയോ ക്ലിപ് പ്രത്യക്ഷപ്പെട്ടിരുന്നു. രണ്ടു പേർ പൂജയുടെ മരണവുമായി ബന്ധപ്പെട്ട് സംസാരിക്കുന്നതിന്റെ ഓഡിയോ ക്ലിപ്പാണ് പുറത്തുവന്നത്. ഇതിൽ ഒരാൾ സഞ്ജയ് റത്തോഡ് ആണെന്ന് ബിജെപി ആരോപിച്ചിരുന്നു.
എന്നാൽ ഇക്കാര്യം നിഷേധിച്ച റത്തോഡ് ബിജെപിയുടെ വൃത്തികെട്ട രാഷ്ട്രീയം മൂലമാണ് താൻ രാജിവയ്ക്കുന്നതെന്ന് പറഞ്ഞു. യുവതിയുടെ ദുരൂഹമരണത്തിൽ റത്തോഡിന് പങ്കുണ്ടെന്നും അദ്ദേഹത്തെ അറസ്റ്റ് ചെയ്യണമെന്നും ബിജെപി ആവശ്യപ്പെട്ടു.