മലപ്പുറം- മുസ്ലിം ലീഗിനെ മുന്നണിയിലേക്ക് ക്ഷണിക്കാൻ മാത്രം ബി.ജെ.പി വളർന്നിട്ടില്ലെന്ന് ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി. ലീഗ് കറകളഞ്ഞ മതേതര സ്വഭാവമുള്ള പാർട്ടിയാന്നെന്നും കുഞ്ഞാലിക്കുട്ടി വ്യക്തമാക്കി. ലീഗിനെ ക്ഷണിക്കാൻ മാത്രം ബി.ജെ.പി വളർന്നിട്ടില്ലെന്നും അതിനുവെച്ച വെള്ളം വാങ്ങിവെക്കുകയാണെന്നും മലപ്പുറത്ത് നടന്ന ലീഗിന്റെ സൗഹൃദ സന്ദേശ യാത്രയിൽ കുഞ്ഞാലിക്കുട്ടി പറഞ്ഞു.
കേരളത്തിലെ ഇടത് മുന്നണി ബി.ജെ.പിയുടെ ഭാഷയിലാണ് ഇപ്പോൾ സംസാരിക്കുന്നത്. അതുകൊണ്ട് ബി.ജെ.പിക്ക് ക്ഷണിക്കാൻ നല്ലത് സംസ്ഥാനം ഭരിക്കുന്ന പാർട്ടിയാണ്. ഇന്ത്യയിൽ ബിജെപിയെ നേരിടുന്നതിൽ മുന്നിലുള്ളത് കോൺഗ്രസാണ്. അതുകൊണ്ടുതന്നെ കോൺഗ്രസ് മുന്നണിയിൽ നിലകൊള്ളുന്നതിൽ ലീഗിന് അഭിമാനമുണ്ടെന്നും അദ്ദേഹം വ്യക്തമാക്കി.
