ന്യൂദൽഹി- ടൂൾ കിറ്റ് കേസിൽ അറസ്റ്റിലായ പരിസ്ഥിതി പ്രവർത്തക ദിഷ രവിയുടെ അറസ്റ്റിനെ ന്യായീകരിച്ച് ആഭ്യന്തര മന്ത്രി അമിത് ഷാ. പ്രായം നടപടി ഒഴിവാക്കാനുള്ള മറയാക്കാനാവില്ലെന്നും ദൽഹി പോലീസിനു മേൽ രാഷ്ട്രീയ സമ്മർദ്ദമില്ലെന്നും അമിത് ഷാ പ്രതികരിച്ചു. ദിഷയുടെ അറസ്റ്റിനെതിരെ വലിയ പ്രതിഷേധമുയരുന്ന സാഹചര്യത്തിലാണ് പ്രതികരണം.ദൽഹി പോലീസിനെതിരെ പരിസ്ഥിതി പ്രവർത്തക ദിഷ രവി നല്കിയ ഹർജി ദൽഹി ഹൈക്കോടതി ഇന്ന് പരിഗണിക്കും. എഫ് എഫ്‌ഐആറിലെ വിവരങ്ങൾ ദൽഹി പോലീസ് ചോർത്തുന്നത് തടയണമെന്ന് ആവശ്യപ്പെട്ടാണ് ഹർജി.ചില ഇംഗ്ലീഷ് മാധ്യമങ്ങൾക്കെതിരെ നടപടിയെടുക്കണമെന്നും ദിഷ ആവശ്യപ്പെട്ടു.
