തിരുവനന്തപുരം- കേരളത്തില്‍ 42 ആരോഗ്യ പ്രവര്‍ത്തകര്‍ക്ക് കൂടി കോവിഡ് സ്ഥിരീകരിച്ചു. കോട്ടയം 10, കോഴിക്കോട് ആറ്, വയനാട് അഞ്ച്, കൊല്ലം നാല്, തിരുവനന്തപുരം, പത്തനംതിട്ട, കണ്ണൂര്‍ മൂന്നു വീതം, എറണാകുളം, മലപ്പുറം, കാസര്‍കോട് രണ്ട് വീതം, തൃശൂര്‍, പാലക്കാട് ഒന്നു വീതം എന്നിങ്ങനെ ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.
ആരോഗ്യപ്രവർത്തകർ ഉൾപ്പടെ സംസ്ഥാനത്ത് ഇന്ന് 4,612 പേര്‍ക്ക് കോവിഡ്-19 സ്ഥിരീകരിച്ചു. രോഗം സ്ഥിരീകരിച്ചവരില്‍ 104 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 4173 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 293 പേരുടെ സമ്പര്‍ക്ക ഉറവിടം വ്യക്തമല്ല.
