കണ്ണൂർ- മുഖ്യമന്ത്രി പിണറായി വിജയന് എതിരെ നടത്തിയ പ്രസ്താവനയിൽ ഉറച്ചുനിൽക്കുന്നതായി കോൺഗ്രസ് നേതാവ് കെ. സുധാകരൻ എം.പി. കുലത്തൊഴിലും കുടുംബപശ്ചാത്തലവുമാണ് പറഞ്ഞതെന്നും ഇക്കാര്യത്തിൽ സി.പി.എമ്മിന് ഇല്ലാത്ത വിഷമമാണ് ഷാനിമോൾ ഉസ്മാനെന്നും ഇത് എന്തിനാണ് മനസിലാകുന്നില്ലെന്നും സുധാകരൻ. താൻ മര്യാദ ലംഘനം നടത്തിയെങ്കിൽ ചൂണ്ടിക്കാട്ടമം. ജാതീയമായി അധിക്ഷേപിച്ചിട്ടില്ല. ഹെലികോപ്റ്റർ യാത്രയിലൂടെ 18 കോടിയുടെ നഷ്ടമുണ്ടാക്കിയെന്നാണ് പറഞ്ഞത്. പരാമർശം ഒഴിവാക്കേണ്ടതായിരുന്നുവെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. എന്നാൽ ചെന്നിത്തലയുടെ പ്രസ്താവനയെ പറ്റി അറിയില്ലെന്ന് സുധാകരൻ വ്യക്തമാക്കി.
