തിരുവനന്തപുരം- കേരളത്തിൽ അടുത്ത നിയമസഭ തെരഞ്ഞെടുപ്പിൽ വോട്ട് രേഖപ്പെടുത്തുക 2.67 കോടി വോട്ടർമാർ. വ്യാഴാഴ്ച പ്രസിദ്ധീകരിച്ച അന്തിമ വോട്ടർപട്ടികയിലാണ് ഇക്കാര്യമുള്ളത്. സ്ത്രീവോട്ടർമാർ 1,37,79263, പുരുഷവോട്ടർമാർ 10295202. ട്രാൻസ് ജെൻണ്ടർ വോട്ടർമാരുടെ എണ്ണം 221 ആയി. ഏറ്റവും കൂടുതൽ വോട്ടർമാർ മലപ്പുറത്താണ്. 32,14943 പേർ. ഏറ്റവും കൂടുതൽ സ്ത്രീ വോട്ടർമാരുള്ളതും മലപ്പുറത്താണ്. 90,709 പ്രവാസി വോട്ടർമാരുണ്ട്.
ആയിരം വോട്ടർമാരെ മാത്രമേ ഒരു പോളിങ് സ്‌റ്റേഷനിൽ അനുവദിക്കൂ. 15,730 പോളിങ് സ്‌റ്റേഷനുകൾകൂടി വരുന്നതോടെ ആകെ പോളിങ് സ്‌റ്റേഷനുകളുടെ എണ്ണം 40,771 ആയി.
