ഹൈദരാബാദ്- ആന്ധ്രയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം വര്‍ധിച്ചുവെന്ന പ്രതിപക്ഷ ആരോപണങ്ങള്‍ക്കിടെ മുഖ്യമന്ത്രി
വൈ.എസ്. ജഗന്‍ മോഹന്‍ റെഡ്ഢി ഗോ പൂജയില്‍ പങ്കെടുത്തു.
തെറ്റായ വിവരങ്ങളും വ്യാജ വാര്‍ത്തകളും പ്രചരിപ്പിച്ച് സംസ്ഥാനത്ത് ഹിന്ദു വികാരം ഇളക്കി വിടാനുള്ള ബി.ജെ.പിയുടേയും തെലുഗുദേശത്തിന്റേയും ശ്രമങ്ങള്‍ക്ക് കനത്ത തിരിച്ചടി നല്‍കുന്ന നീക്കമെന്നാണ് ഇതിനെ മാധ്യമങ്ങള്‍ വിലയിരുത്തുന്നത്.
ഗുണ്ടൂര്‍ ജില്ലയിലെ നരസറാവുപേട്ടയില്‍ നടന്ന പൂജയിലാണ് മുഖ്യമന്ത്രി സംബന്ധിച്ചത്. കനുമ ഉത്സവത്തിന്റെ ഭാഗമായാണ് സംസ്ഥാനത്തെ ക്ഷേത്രങ്ങളില്‍ കാമധേനു പൂജ സംഘടിപ്പിക്കാറുള്ളത്.
108 പശുക്കളെ പൂജിച്ച ചടങ്ങില്‍ മുഖ്യമന്ത്രി പരുത്തി വസ്ത്രങ്ങളും കുങ്കുമവും മഞ്ഞളും സമര്‍പ്പിച്ചു. പൂജയില്‍ പങ്കെടുത്തവര്‍ക്കും സംസ്ഥാനത്തുള്ള എല്ലാവര്‍ക്കും ജഗന്‍ മോഹന്‍ ഐശ്വര്യം നേര്‍ന്നു.
