കോട്ടയം- ഫേസ് ബുക്കിലൂടെ പരിചയപ്പെട്ട പ്രായപൂർത്തിയാവാത്ത പെൺകുട്ടിയെ തട്ടിക്കൊണ്ടു പോയി പീഡിപ്പിക്കാൻ ശ്രമിച്ച യുവാവ് അറസ്റ്റിൽ.
എറണാകുളം പറവൂർ സ്വദേശിയായ ദീപക്കാണ് (22) അറസ്റ്റിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഇടുക്കി ഡാം കാണാൻ സുഹൃത്തുക്കളുമായി എത്തിയതായിരുന്നു ദീപക്ക്. കൂട്ടുകാരെ പറഞ്ഞയച്ചശേഷം പെൺകുട്ടിയെ കാണാൻ വീടിനടുത്തെത്തി. തുടർന്ന് പെൺകുട്ടിയെ വിളിച്ചിറക്കി കാറിൽ കയറ്റിക്കൊണ്ടു പോവുകയായിരുന്നു.
പെൺകുട്ടിയെ കാണാതായതോടെ വീട്ടുകാർ പരിഭ്രാന്തിയിലായി. യുവാവിനെക്കുറിച്ച് വീട്ടുകാർക്ക് സംശയമുണ്ടായിരുന്നതിനാൽ ഇയാളുടെ ഫോണിലേക്ക് വീട്ടുകാർ വിളിച്ച് വിവരം അന്വേഷിച്ചു.
തുടർന്ന് വീട്ടുകാർ എത്തി പെൺകുട്ടിയെ കൂട്ടിക്കൊണ്ടു വരികയായിരുന്നു. പെൺകുട്ടിയുടെ വീട്ടുകാരുടെ പരാതിയിലാണ് ഇടുക്കി പോലീസ് കേസ് എടുത്ത് ദീപക്കിനെ അറസ്റ്റ് ചെയ്തത്.
പീഡനശ്രമത്തിനും പെൺകുട്ടിയുടെ ഫോട്ടോ എടുത്തതിനും മദ്യം കുടിപ്പിച്ചതിനുമാണ് കേസ്.