കാസർക്കോട്- പാണത്തൂർ പരിയാരത്ത് ടൂറിസ്റ്റ് ബസ് മറിഞ്ഞ് അഞ്ചു പേർ മരിച്ചു. രണ്ടു കുട്ടികളും രണ്ടു സ്ത്രീകളുമടക്കം അഞ്ചു പേരാണ് മരിച്ചത്. കർണാടകയിൽനിന്ന് വിവാഹത്തിനെത്തിയ സംഘമാണ് അപകടത്തിൽപ്പെട്ടത്. കുത്തനെയുള്ള ഇറക്കത്തിൽ നിയന്ത്രണം വിട്ടാണ് ബസ് മറിഞ്ഞത്. ബസിൽ മുപ്പതോളം പേരുണ്ടായിരുന്നു. പരിക്കേറ്റവരെ കർണാടകയിലെ വിവിധ ആശുപത്രികളിൽ പ്രവേശിപ്പിച്ചു. കർണാടകത്തിലെ ഈശ്വരമംഗലത്തുനിന്നും കരിക്ക ചെത്തുകയത്തിലേക്ക് വന്നതായിരുന്നു വിവാഹസംഘം. വീടിന് മുകളിലേക്കാണ് ബസ് മറിഞ്ഞത്. വീട്ടിനുള്ളിൽ ആരും ഇല്ലായിരുന്നു.
