കൊൽക്കത്ത- ഇന്ത്യയുടെ മുൻ നായകൻ സൗരവ് ഗാംഗുലിയെ നെഞ്ചു വേദനയെ തുടർന്ന് ആശുപത്രിയിൽ പ്രവേശിപ്പിച്ചു. കൊൽക്കത്തയിലെ വുഡ്ലാന്റ് ആശുപത്രിയിലാണ് ഗാംഗുലിയെ പ്രവേശിപ്പിച്ചത്. ഇന്ന് രാവിലെ വ്യായാമത്തിനിടെയാണ് നെഞ്ചു വേദന അനുഭവപ്പെട്ടത്. ഹൃദയസംബന്ധമായ അസുഖമുണ്ടെന്നാണ് വിവരം. അതേസമയം, വൈകുന്നേരത്തോടെ അദ്ദേഹത്തെ ഡിസ്ചാർജ് ചെയ്തേക്കുമെന്നും വിവരമുണ്ട്.