കൽപറ്റ- വയനാട്ടിൽ 208 പേരിൽക്കൂടി കോവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. ആർ. രേണുക അറിയിച്ചു. നാലു ആരോഗ്യപ്രവർത്തകർ ഉൾപ്പെടെ 206 പേർക്ക് സമ്പർക്കത്തിലൂടെയാണ് രോഗബാധ. രണ്ടുപേർ പുറമേനിന്നു വന്നതാണ്. എട്ടു പേരുടെ സമ്പർക്ക ഉറവിടം വ്യക്തമല്ല. 223 പേർ രോഗമുക്തി നേടി.
മേപ്പാടി-28, പൂതാടി-27, കോട്ടത്തറ-20, കണിയാമ്പറ്റ-19, മാനന്തവാടി-15, കൽപറ്റ-14, ബത്തേരി-13, എടവക- 11, മുട്ടിൽ-10, വൈത്തിരി, പടിഞ്ഞാറത്തറ, പനമരം-എട്ടുവീതം, പുൽപള്ളി-അഞ്ച്, നെൻമേനി, വെങ്ങപ്പള്ളി-നാലുവീതം, പൊഴുതന-മൂന്ന്, തരിയോട്, തിരുനെല്ലി, വെള്ളമുണ്ട-രണ്ടുവീതം, അമ്പലവയൽ, മീനങ്ങാടി, നൂൽപ്പുഴ-ഒന്നുവീതം എന്നിങ്ങനെയാണ് സമ്പർക്കത്തിലൂടെ രോഗം ബാധിച്ചവരുടെ എണ്ണം. കർണാടകയിൽനിന്നുവന്ന മേപ്പാടി സ്വദേശി, ബഹ്‌റൈനിൽനിന്നെത്തിയ വെള്ളമുണ്ട സ്വദേശി എന്നിവരാണ് വൈറസ്ബാധയേറ്റ മറ്റാളുകൾ.
അമ്പലവയൽ-എട്ട്, ബത്തേരി-അഞ്ച്, കൽപറ്റ, പൂതാടി-നാലുവീതം, മേപ്പാടി, മീനങ്ങാടി, മാനന്തവാടി-മൂന്നുവീതം, നെൻമേനി, കണിയാമ്പറ്റ, കോട്ടത്തറ, പനമരം-രണ്ടുവീതം, മുട്ടിൽ, പടിഞ്ഞാറത്തറ, പൊഴുതന, തവിഞ്ഞാൽ, വെള്ളമുണ്ട, മൂപ്പൈനാട്, തിരുനെല്ലി, പാലക്കാട്, തമിഴ്‌നാട്-ഒന്നുവീതം, വീടുകളിൽ ചികിത്സയിലായിരുന്ന 176 പേർ എന്നിങ്ങനെയാണ് രോഗം ഭേദമായവരുടെ എണ്ണം.
ജില്ലയിൽ ഇതുവരെ 16,491 പേരിലാണ് കോവിഡ് സ്ഥിരീകരിച്ചത്. ഇതിൽ 13,902 പേർ രോഗമുക്തരായി. 101 പേർ മരിച്ചു. 2,488 പേർ ചികിത്സയിലാണ്. പ്രതിരോധ നടപടികളുടെ ഭാഗമായി 609 പേരെ പുതുതായി നിരീക്ഷണത്തിലാക്കി. 802 പേർ നിരീക്ഷണകാലം പൂർത്തിയാക്കി. 9,448 പേരാണ് നിലവിൽ നിരീക്ഷണത്തിൽ.
