മക്ക - ഫോർത്ത് റിംഗ് റോഡിൽ കാർ മറിഞ്ഞ് യുവാവ് മരിച്ചു. ആറു പേർക്ക് പരിക്കേറ്റു. പരിക്കേറ്റവരിൽ രണ്ടു പേരുടെ നില ഗുരുതരമാണ്. റെഡ് ക്രസന്റ് പ്രവർത്തകർ രക്ഷാപ്രവർത്തനം നടത്തി പരിക്കേറ്റവരിൽ അഞ്ചു പേരെ അൽനൂർ സ്പെഷ്യലിസ്റ്റ് ആശുപത്രിയിലും ഒരാളെ അൽസാഹിർ കിംഗ് അബ്ദുൽ അസീസ് ആശുപത്രിയിലും പ്രവേശിപ്പിച്ചതായി മക്ക റെഡ് ക്രസന്റ് വക്താവ് അബ്ദുൽ അസീസ് ബാദോമാൻ പറഞ്ഞു.
