അറാർ - നഗരത്തിലെ അൽഫൈസലിയ ഡിസ്ട്രിക്ടിൽ വാഹനാഭ്യാസ പ്രകടനം നടത്തിയ യുവാവിനെ ഉത്തര അതിർത്തി പ്രവിശ്യ ട്രാഫിക് ഡയറക്ടറേറ്റ് കസ്റ്റഡിയിലെടുത്തു. സ്വന്തം ജീവനും മറ്റുള്ളവരുടെ ജീവനും അപകടത്തിലാക്കും വിധം വാഹനാഭ്യാസ പ്രകടനം നടത്താൻ യുവാവ് ഉപയോഗിച്ച പിക്കപ്പും കസ്റ്റഡിയിലെടുത്തിട്ടുണ്ട്. ജിദ്ദയിൽ അൽഹറമൈൻ എക്‌സ്പ്രസ്‌വേയിലൂടെ അമിത വേഗതയിൽ കാറോടിക്കുകയും അപകടങ്ങൾക്ക് ഇടയാക്കും വിധം വാഹനങ്ങളെ സാഹസികമായി മറികടക്കുകയും ചെയ്ത മറ്റൊരു യുവാവിനെ ജിദ്ദയിൽ നിന്നും ട്രാഫിക് പോലീസ് കസ്റ്റഡിയിലെടുത്തു. ഇരുവർക്കുമെതിരായ കേസുകൾ ഗുരതരമായ ഗതാഗത നിയമ ലംഘനങ്ങൾ പരിശോധിച്ച് ശിക്ഷകൾ പ്രഖ്യാപിക്കുന്ന ട്രാഫിക് അതോറിറ്റികൾക്ക് കൈമാറിയതായി ട്രാഫിക് ഡയറക്ടറേറ്റ് അറിയിച്ചു.
