തിരുവനന്തപുരം- കേന്ദ്ര സര്ക്കാര് പാസാക്കിയ പുതിയ കാര്ഷിക നിയമ ഭേദഗതി തള്ളാന് ബുധനാഴ്ച പ്രത്യേക നിയമസഭാ സമ്മേളനം ചേരും. ഒരു മണിക്കൂര് നീളുന്ന പ്രത്യേക സമ്മേളനത്തില് കക്ഷി നേതാക്കള് മാത്രമാവും സംസാരിക്കുക.
സംസ്ഥാനത്തെ ഭരണകക്ഷിയും പ്രതിപക്ഷവും പുതിയ കാര്ഷിക നിയമങ്ങളെ എതിര്ക്കുകയാണ് ചെയ്യുന്നത്. ബി.ജെ.പിയുടെ ഏക അംഗത്തിന്റെ എതിര്പ്പോടെ നിയമ ഭേദഗതികള് തള്ളിക്കളയുന്ന പ്രമേയം പ്രത്യേക സമ്മേളനം പാസാക്കും. തിങ്കളാഴ്ച ചേരുന്ന മന്ത്രിസഭാ യോഗം പ്രത്യേക സമ്മേളനം ചേരാന് അനുമതി നല്കണമെന്ന് ഗവര്ണറോട് ശുപാര്ശ ചെയ്യാന് തീരുമാനിച്ചിട്ടുണ്ട്.