ജിദ്ദ- ഇതാദ്യമായി ജിദ്ദ സന്ദർശനത്തിനെത്തിയ പ്രശസ്ത കവി മുരുകൻ കാട്ടാക്കടക്ക് നവോദയ പ്രവർത്തകർ ജിദ്ദ അന്താരാഷ്ട്ര വിമാനത്താവളത്തിൽ സ്വീകരണം നൽകി. നവോദയ മുഖ്യ രക്ഷാധികാരി വി.കെ. റഊഫ്, പ്രസിഡന്റ് ഷിബു തിരുവനന്തപുരം തുടങ്ങിയ നവോദയ പ്രവർത്തകർ പൂച്ചെണ്ട് നൽകിയാണ് കവിയെ വരവേറ്റത്. നവോദയയുടെ 'സൂര്യകാന്തിനോവ്' സാംസ്‌കാരിക പരിപാടിയിൽ സംബന്ധിക്കുന്നതിനാണ് മുരുകൻ കാട്ടാക്കട ജിദ്ദയിലെത്തിയത്. ഇന്ന് ലക്കി ദർബാറിൽ നടക്കുന്ന കവിയരങ്ങിലും അദ്ദേഹം സംബന്ധിക്കും.
