ബെയ്ജിംഗ്-മാനവരാശി കോവിഡിനെ പ്രതിരോധിക്കാനുള്ള വാക്സിന് കണ്ടത്താനുള്ള തീവ്രശ്രമത്തിലാണ്. 90 ശതമാനം, 94 ശതമാനം ഫലപ്രദം എന്നൊക്കെ കണക്കുകളും പുറത്തു വരുന്നുണ്ട്. ഇതെല്ലാം നിര്വികാരതയോടെ കണ്ട് രസിക്കുകയാണ് ഇന്ന് പിറന്നാള് ആഘോഷിക്കുന്ന കോവിഡ്-19 എന്ന കൊറോണ. മഹാമാരി ലോകത്തെ ഭീതിയില് ആകാന് തുടങ്ങിയിട്ട് ഇന്നേക്ക് ഒരു വര്ഷമായി. സൗത്ത് ചൈന മോണിങ് പോസ്റ്റ് റിപ്പോര്ട്ടുകള് പ്രകാരം, കഴിഞ്ഞവര്ഷം നവംബര് 17നാണ് ലോകത്ത് ആദ്യമായി കൊറോണ വൈറസ് സ്ഥിരീകരിക്കുന്നത്. എന്നാല് സാര്സിന് സമാനമായ വൈറസ് പടരുന്ന സാഹചര്യം ചൈന ആദ്യം മറച്ചുവച്ചിരുന്നു. ലോകാരോഗ്യ സംഘടനയുടെ ഇടപെടലിനെ തുടര്ന്ന് ഡിസംബറിലാണ് രോഗം ഔദ്യോഗികമായി സ്ഥിരീകരിക്കുന്നത്.അപ്പോഴേക്കും ചൈനയില് നിരവധിപേരില് വൈറസ് കണ്ടെത്തിയിരുന്നുവെന്നാണ് റിപ്പോര്ട്ട്. ജനുവരിയില് ലോകാരോഗ്യസംഘടന, വൈറസിന് കോവിഡ്-19 എന്ന പേര് നല്കിയത്. ലോകത്താകമാനം മുന്കരുതലുകള് സ്വീകരിച്ചെങ്കിലും, അതിര്ത്തികള്താണ്ടി വൈറസ് നാശം വിതച്ചു. ഇന്ത്യയിലാദ്യം രോഗം സ്ഥിരീകരിച്ചത് കേരളത്തില് ആയിരുന്നു.
