പാലക്കാട്- പാലക്കാട് സ്വദേശിയായ ഡോക്ടര്‍ ബ്രിട്ടനില്‍ കോവിഡ് ബാധിച്ച് മരിച്ചു. ഡോ കൃഷ്ണന്‍ സുബ്രഹ്മണ്യനാണ്(46) ബ്രിട്ടനിലെ ലെസ്റ്ററില്‍ മരിച്ചതായി വിവരം ലഭിച്ചത്.
കോവിഡ് ബാധിച്ച് ആരോഗ്യസ്ഥിതി മോശമായ ഡോ. കൃഷ്ണന്‍ ഏതാനും ദിവസങ്ങളായി ലെസ്റ്ററിലെ ഗ്ലന്‍ഫീല്‍ഡ് ആശുപത്രിയില്‍ വെന്റിലേറ്ററിലായിരുന്നു. പ്രിയദര്‍ശിനി മേനോനാണ് ഭാര്യ. അനസ്തിഷ്യ സ്‌പെഷ്യലിസ്റ്റായിരുന്ന കൃഷ്ണന്‍ ഡെര്‍ബി ഹോസ്പിറ്റിറ്റലിലാണ് ജോലി ചെയ്തിരുന്നത്. നോര്‍ത്താംപ്റ്റണ്‍, ലെസ്റ്റര്‍ എന്നിവിടങ്ങളിലും സേവനം അനുഷ്ഠിച്ചിരുന്നു.
ബ്രിട്ടനില്‍ പത്തുദിവസത്തിനിടെ കോവിഡ് ബാധിച്ച് മരിക്കുന്ന നാലാമത്തെ മലയാളിയാണ് ഡോ. കൃഷ്ണന്‍ സുബ്രഹ്മണ്യന്‍.
