തിരുവനന്തപുരം-ലഹരിമരുന്നുമായി ബന്ധപ്പെട്ട സാമ്പത്തിക ഇടപാട് കേസില്‍ അറസ്റ്റിലായ ബിനീഷ് കോടിയേരിക്ക് പിന്തുണയുമായി സി.പി.എം നേതാവും കോര്‍പറേഷന്‍ ആരോഗ്യ കമ്മിറ്റി സ്റ്റാന്‍ഡിംഗ് കമ്മിറ്റി ചെയര്‍മാനുമായ ഐ.പി. ബിനുവിന്റെ ഫേസ് ബുക്ക് പോസ്റ്റ്.
എ.കെ.ജി സെന്ററിനു മുന്നില്‍ ബിനീഷിനൊപ്പം നില്‍ക്കുന്ന ചിത്രത്തോടൊപ്പമാണ് ബിനുവിന്റെ കുറിപ്പ്.
ഇദ്ദേഹത്തെ ടാഗ് ചെയ്തുകൊണ്ട് ഇതിനു പിന്നാലെ നിരവധി പേര്‍ ഫേസ് ബുക്കില്‍ ബിനീഷിനെ ആര്‍ക്കും വിട്ടുകൊടുക്കില്ലെന്ന അടിക്കുറിപ്പോടെ ഫോട്ടോകള്‍ പേസ്റ്റ് ചെയ്തു.
ഫേസ് ബുക്ക് പോസ്റ്റ് വായിക്കാം
ഞങ്ങള്‍ സഖാക്കള്‍ ...
എല്ലാക്കാലത്തും ചേര്‍ത്ത് തന്നെ പിടിക്കും...
ബി.ജെ.പിയുടെ രാഷ്ട്രീയ താത്പര്യം മാത്രം ലക്ഷ്യമാക്കി പ്രവര്‍ത്തിക്കുന്ന കേന്ദ്ര ഏജന്‍സികളുടെ നെറികെട്ട കള്ള കളിക്ക് ഇരയായി മാറിയ പ്രിയ സഖാവാണ് ബിനിഷ് (എന്റെ ഡിങ്കിരി).
.സി പി ഐ എം വിരുദ്ധ രാഷ്ട്രീയ മാധ്യമ സംഘത്തിന്റെ കുപ്രചരണങ്ങള്‍ കണ്ട് തള്ളി പറയാനോ മൗനം പൂണ്ടിരിക്കാനോ മനസ്സില്ല.
അതിന്റെ പേരില്‍ നഷ്ടപെടുന്നത് എന്തായാലും പുല്ല് പോട്ടേന്ന് വയ്ക്കും...
ബിനീഷ് എട്ടാം ക്ലാസില്‍ പഠിക്കുന്നത് മുതല്‍ എനിക്ക് നേരിട്ട് അറിയാം.എല്ലാ ആപത് ഘട്ടങ്ങളിലും കൂടെ നില്‍ക്കുന്ന അനുജന്‍,എല്ലാകാര്യങ്ങളിലും ഓടിയെത്തി മുന്നില്‍ നില്‍ക്കുന്ന സഖാവ്, അങ്ങനെ ഒരുപാടുണ്ട് ബിനീഷിനെ വിശേഷിപ്പിക്കാന്‍. ബിനീഷ് ഒരു സിഗരറ്റ് വലിക്കുന്നത് പോലും ഞാനിതുവരെ കണ്ടിട്ടില്ല. ബിനീഷിനെ അപമാനിക്കാന്‍ കള്ളക്കഥകള്‍ ചമയ്ക്കുന്ന രാഷ്ട്രീയ എതിരാളികളും അതിന് കുഴലൂത്ത് നടത്തുന്ന മാധ്യമങ്ങളും നുണ പറഞ്ഞ് എത്രകാലം ജനത്തെ വിഡ്ഢികളാക്കും. രാഷ്ട്രീയ പകപോക്കലിന് ബിനീഷിനെ വിട്ടുകൊടുക്കാന്‍ ഞാന്‍ തയ്യാറല്ല. തെരഞ്ഞെടുപ്പ് അടുത്തതോടെ ഇത്തരം നുണ ബോംബുകള്‍ പൊട്ടിച്ച് കമ്മ്യൂണിസ്റ്റുകാരുടെ ആത്മവീര്യം തകര്‍ക്കാമെന്ന് ആരും കരുതുകയും വേണ്ട.
ബിനീഷിന് ഐക്യദാര്‍ഢ്യവും അഭിവാദ്യങ്ങളും
