റായ്ഗഡ്- ചത്തീസ്ഗഡില്‍ സ്ത്രീയെ പീഡിപ്പിച്ച ശേഷം കൊലപ്പെടുത്താന്‍ ശ്രമിച്ച സംഭവത്തില്‍ രണ്ടു പേര്‍ അറസ്റ്റില്‍. 22 കാരനായ സന്തോഷ് യാദവും പ്രായപൂര്‍ത്തിയാകാത്ത ബന്ധുവുമാണ് പിടിയിലായത്.
ഒക്ടോബർ 18നാണ് ലൈലുംഗ മേഖലയിലെ ഖലാഘിയ ഗ്രാമത്തിന് സമീപം മുഖത്ത് ഗുരുതര പരിക്കുകളോടെ അബോധാവസ്ഥയിൽ വീട്ടമ്മയെ കണ്ടെത്തിയത്. സംസ്ഥാന റൂറൽ ലൈവ്‌ലി ഹുഡ് മിഷനിലെ ജീവനക്കാരിയായ ഇവരെ റായ്ഗഡ് ജില്ലാ ആശുപത്രിയിൽ പ്രവേശിപ്പിച്ചു.
17 ന് രാത്രി ജഷ്പൂർ ജില്ലയിലെ പഥൽഗോനിൽ നിന്ന് വീട്ടിലേക്ക് പോകാൻ പ്രതി യാദവിന്‍റെ ബൈക്കിൽ കയറിയ സ്ത്രീയെ ആളൊഴിഞ്ഞ സ്ഥലത്തേക്ക് കൊണ്ടു പോയി പീഡിപ്പിക്കുകയായിരുന്നു. പ്രായപൂർത്തിയാകാത്തയാൾ പീഡിപ്പിക്കാൻ ശ്രമിച്ച് പരാജയപ്പെട്ടതോടെ ഇവരുടെ മുഖത്ത് ഭാരമുള്ള ബ്രേസ്ലെറ്റ് കൊണ്ട് അടിച്ചു. തുടർന്നാണ് വീട്ടമ്മയുടെ ബോധം നഷ്ടമായത്.
