വാഷിംഗ്ടണ്- അമേരിക്കന് പ്രസിഡന്റ് ഡൊണള്ഡ് ട്രംപിനെതിരെ മൂര്ച്ഛയേറിയ ട്വീറ്റുമായി ഡെമോക്രാറ്റിക് പ്രസിഡന്റ് സ്ഥാനാര്ത്ഥി ജോ ബൈഡന്. ' മാസ്ക് ധരിക്കൂ, കൈകള് കഴുകൂ, ട്രംപിനെ വോട്ട് ചെയ്ത് പുറത്താക്കൂ.'എന്നാണ് ബൈഡന് ട്വീറ്റ് ചെയ്തത്.നേരത്തെ അമേരിക്കന് പ്രസിഡന്റ് തെരഞ്ഞെടുപ്പു ചരിത്രത്തിലെ ഏറ്റവും മോശം സ്ഥാനാര്ഥിയാണ് ഡെമോക്രാറ്റിക് സ്ഥാനാര്ഥി ജോ ബൈഡനെന്ന് ഡൊണാള്ഡ് ട്രംപ് പറഞ്ഞിരുന്നു. ഇത്രയും മോശം സ്ഥാനാര്ഥിയോട് പരാജയപ്പെടുകയാണെങ്കില് താന് രാജ്യം വിടുമെന്നും ട്രംപ് പറഞ്ഞു.എന്നാല്, ട്രംപിനു നേരെ കോവിഡ് തന്നെയാണ് ബൈഡന് റാലികളില് ആയുധമാക്കിയത്. മായ പോലെ കോവിഡ് അപ്രത്യക്ഷമാകുമെന്നായിരുന്നു ട്രംപിന്റെ പ്രസ്താവനയെന്നും ഇപ്പോഴും രാജ്യത്തെ ആളുകളുടെ ജീവന് അപഹരിക്കുകയാണ് വൈറസെന്നും ബൈഡന് കുറ്റപ്പെടുത്തി.