തിരുവനന്തപുരം-യൂട്യൂബ് ചാനലിലൂടെ അശ്ലീല സംഭാഷണങ്ങളും ചിത്രങ്ങളും പ്രചരിപ്പിച്ചതിന് കണ്ണൂര് സ്വദേശിനി ശ്രീലക്ഷ്മി അറയ്ക്കലിനെതിരേ സൈബര് പോലീസ് കേസെടുത്തു. മെന്സ് റൈറ്റ് അസോസിയേഷന് ഭാരവാഹി അഡ്വക്കേറ്റ് നെയ്യാറ്റിന്കര നാഗരാജ് നല്കിയ പരാതിയില് കേസെടുത്ത സൈബര് പോലീസ് എഫ്.ഐ.ആര്. ചീഫ് ജുഡീഷ്യല് മജിസ്ട്രേറ്റ് കോടതിയില് നല്കി.
ശ്രീലക്ഷ്മി ഒട്ടേറെ യൂട്യൂബ് ചാനലുകളിലൂടെ ലൈംഗിക സംഭാഷണങ്ങള് നടത്തി യുവതലമുറയെ തെറ്റായ ലൈംഗിക രീതികളിലേക്കു നയിച്ച് സമൂഹത്തില് അരാജകത്വമുണ്ടാക്കുന്നതരത്തില് പ്രവര്ത്തിച്ചതായി പരാതിയില് പറയുന്നു. ശ്രീലക്ഷ്മിയുടെ യൂട്യൂബ് ചാനലുകള് സംബന്ധിച്ച വിവരങ്ങളും ലിങ്കുകളും പരാതിയോടൊപ്പം നല്കിയിരുന്നു. ജാമ്യം ലഭിക്കുന്ന നിസ്സാരവകുപ്പുകള് ചുമത്തിയുള്ള എഫ്.ഐ.ആറാണ് പോലീസ് കോടതിയില് നല്കിയിട്ടുള്ളത്.
