പട്ന- ബിഹാറില് പ്രതിപക്ഷ സഖ്യത്തിന്റെ മുഖ്യമന്ത്രി സ്ഥാനാര്ഥിയായി ആര്.ജെ.ഡി നേതാവ് തേജസ്വി യാദവിനെ ഔദ്യോഗികമായി പ്രഖ്യാപിച്ചു. കോണ്ഗ്രസും ഇടതുപക്ഷവും സഖ്യകക്ഷികളായ മഹാസഖ്യത്തിന്റെ സീറ്റ് വിഭജനവും പൂര്ത്തിയായി.
മുന്നണിക്ക് നേതൃത്വം നല്കുന്ന ആര്.ജെ.ഡി 144 സീറ്റുകളില് സീറ്റുകളില് മത്സരിക്കും. കോണ്ഗ്രസ് 70, സി.പി.ഐ-എം.എല് 19, സി.പി.ഐ ആറ്, സി.പി.എം നാല് എന്നിങ്ങനെയാണ് സീറ്റ് വിഭജനം. 243 സീറ്റുകളാണ് ബിഹാറില് ആകെയുള്ളത്. ജെ.എം.എമ്മിനും പുറത്ത് നിന്ന് വരുന്ന മറ്റു കക്ഷികള്ക്കും ആര്.ജെ.ഡിയുടെ 144 സീറ്റുകളില് നിന്ന് നല്കാനും ധാരണയായി. ഇടത് പാര്ട്ടികള് എല്ലാവരും കൂടി 29 സീറ്റുകളിലാകും മത്സരത്തിനിറങ്ങുക.
ഒക്ടോബര് 28, നവംബര് മൂന്ന്, ഏഴ് തിയതികളിലാണ് ബിഹാര് നിയമസഭാ തിരഞ്ഞെടുപ്പ് നടക്കുക. നവംബര് പത്തിനാണ് ഫലപ്രഖ്യാപനം.
